ஞாயிறு, 17 ஏப்ரல், 2016

மசாலா இட்லி

தேவையான பொருட்கள்:
  • இட்லி – 5
  • பெரிய வெங்காயம் (பொடியாக நறுக்கியது) – 1
  • தக்காளி (பொடியாக நறுக்கியது)   – 1
  • மிளகாய்த்தூள் – 1 டேபிள்ஸ்பூன்
  • உப்பு – தேவையான அளவு

தாளிக்க:
  • நல்லெண்ணை – 1 டேபிள்ஸ்பூன்
  • கடுகு – 1 டீஸ்பூன்
  • உளுத்தம்பருப்பு – 1 டீஸ்பூன்
  • கருவேப்பிலை – சிறிதளவு

செய்முறை:
  1. முதலில் இட்லியை சதுரங்களாக வெட்டிக் கொள்ளவும். 
  2. ஒரு கடாயில்  எண்ணெய் விட்டு தாளிக்க கொடுத்துள்ள பொருட்களை தாளிக்கவும். 
  3. பிறகு வெங்காயம் சேர்த்து, நன்றாக வாசனை வரும் வரை வதக்கவும். 
  4. தக்காளி சேர்த்து கூழாகும் வரை வதக்கவும். 
  5. பின் மிளகாய்த்தூள் மற்றும் தேவையான உப்பு சேர்த்து வதக்கி, கால் கப் தண்ணீர் சேர்த்து மசாலா திக்காகும் வரை கிளறவும். 
  6. இத்துடன் இட்லி துண்டுகளை சேர்த்து நன்றாக கிளறி சூடாக பரிமாறவும்.

இதற்கு தொட்டுக் கொள்ள சட்னி எதுவும் தேவையில்லை.

குறிப்பு: இட்லியில் உப்பு இருப்பதால் கவனமாக உப்பு சேர்க்க வேண்டும். 

கருத்துகள் இல்லை:

கருத்துரையிடுக